"Адал еңбек - ырыстың бұлағы" тағылымдық кездесуі

Маңғыстау халқы ежелден дала төсінде мыңғырған мал бағып, жер жыртып, егін салған, теңіз жағасында балық аулап күнелткен халық. Теңіз жағалаған дүйім елдің талайдан бері несібесін ортайтпай, қазанын құрғатпай  келген балық  шаруашылығы болатын.

  Балық аулау, балық кәсіпшілігі біздің өлкемізде 19 ғасырдың  50 - жылдарында қарқынды  дами  бастады. Кетік қаласына ірі балық  кәсіпорындары ашылды. Тарихта аты қалған: Захар Дубский, Сергей Афанасьев, С.Климов, М.Ериванцев, И.Абаков және т.б. сынды кәсіпкер балықшылар еді. Әрқайсысы жылына 300-800 тоннаға дейін балық аулайтын болған.

Қазақтардың балықшылықпен айналысатын жерлері – Қаражанбас,  Тереңөзек, Ортаеспе, Қараағаш, Долгий, Түпқарағаннан Кендірліге дейінгі аумақтар болды. Қазіргі таңда да бұл кәсіптер өз маңызын жойған жоқ. Қайта жаңғырып, ата кәсіппен айналысушылар әлі де сол кәсіптерінен нәсіптерін табуда. Ау - құралын атадан балаға мирас қылған атақты әулеттер болды. Олар Ізтұрған Оразбаев, Сәду Оразбаев, Өтеулі Қоңқақов, Айту Жолмағамбетов, Мұқан Мұңалов,  Қонысбай Аманқосов, Ұрым Ідірісов сынды азаматтар еді.                 

Ал, бүгінгі кездесуіміздің басты кейіпкері - бозбала шағынан зейнеткерлікке дейін балық аулауды кәсіп еткен,  балықпен күнелтіп, елдің несібесін теңізден тапқан жайсаң жан, тәжірибелі теңізші, «Еңбек Қызыл Ту орденінің», «Еңбек ардагері» медалінің иегері, балық кәсіпшілігі саласының ардагері Түпқараған ауданының «Құрметті азаматы», Баутин ауылының тумас