Киіз үй - ұлттық құндылықтар қазынасы

Орталық Азияның көшпелі және жартылай көшпелі халықтарының арасына кеңінен тараған киіз үйдің ұлы дала өркениетінде орны аса сүбелі. Түздік тіршіліктің кіші әлеміне айналған киіз үй ықылым замандардан бері қазақтың өзімен бірге жасасып, тарих белестерінен бірге асқан заттық, тұрмыстық мәдениетінің көрінісі, оның материалдық емес мұрасының бірегейі, халықтың танымы мен талғамының, шеберлігі мен шалымының, ұшқыр қиялы мен биік рухының, әсемдікке іңкәрлігі мен сұлулыққа ұмтылысының үлгісі болып келеді. Ол қазақ халқының табиғатпен үндесе өмір сүруде жинақтаған тәжірибесі мен философиясының, дүниетанымы мен мәдениетінің жарқын айғағы. 

24 сәуір күні музей ауласында "Киіз үй - ұлттық құндылықтар қазынасы" атты жастар арасында киіз үй тігуден сайыс өтті. Сайысқа Ш.Есенов атындағы Каспий Мемлекеттік технологиялар және инжиниринг университетінің "Тарих" факультетінің студенттерінен құрылған" Алаш" және "Шаңырақ" топтары қатысты. ҚР Мәдениет қайраткері, «Хас Шебер» атағының иесі, қолөнерші Әуес Сағынаева бастаған Әділ қазылар алқасы киіз үй сүйектерінің дәстүрге сай дұрыс орналасуын, керегенің жайылуы мен таңғыштарының дұрыс байлануын,  сықырлауықтың дұрыс бекітілуін, шаңырақтың көтерілуін,  уықтардың шаншылуын, баулар мен басқұрлардың дұрыс ұсталуын, шилер мен киіздердің дұрыс жабылуын жіті қадағалап, ұпай беріп отырды.    

Асфальтта туып, тас үйде өскен қала балаларының талабы мен ұмтылыстарына риза болған қазылар екі топқа бірдей баға беріп, облыстық музей атынан алғыс хаттармен және сый-сияпаттармен марапаттады. Жастардың жігерін жанып, ұмыт боп бара жатқан асыл құндылығымызды жаңғыртуға шәкірттерінің құштарлығын оятып, сайысқа дайындап әкелген, музейдің барлық танымдық шараларына белсене араласып жүрген университет ұстазы Роза Сейдешқызына музей ұжымы атынан зор алғыс білдіреміз!

Ммектептердегі музей апталығы

Ұстаздар назарына! Оқушылардың өлке тарихымен танысып, танымдық ақпараттар алуына мүмкіндікті жіберіп алмаңыз.

Өзбекстандағы «Маңғыстау облысының мәдениет күні»

Өзбекстан Республикасының Үргеніш облысы Хорезм қаласында өткен «Маңғыстау облысының мәдениет күні» шаралары аясында Маңғыстау облыстық тарихи-өлкетану музейі «Маңғыстау мұралары» көрмесін көпшілік назарына ұсынды. 

Көнеден жеткен кәсіп - Маңғыстаудың аңшылық дәстүрі

Халқымыздың көнеден жеткен қастерлі кәсібі - аңшылық дәстүрдің бүгінгі көрнекті өкілі Алдаберген Ақшабаевпен танымдық-тағылымдық кездесу 

"Киелі Отырардың мәдени мұралары" көрмесі

Тарихи қала, аңыз қала Отырардың көрмесін тамашалауға шақырамыз!

"Шахнаманың" сарынымен сусындаңыз!

11 шілде күні музей шаңырағында «ФИРДОУСИДІҢ «ШАХНАМАСЫ» - ӘЛЕМ ӘДЕБИЕТІНІҢ ЖАУҺАРЫ» атты көрменің ашылу салтанаты өтті. Барша қала тұрғындары мен меймандарды көрмені тамашалауға шақырамыз!

«ФИРДОУСИДІҢ «ШАХНАМАСЫ» - ӘЛЕМ ӘДЕБИЕТІНІҢ ЖАУҺАРЫ» атты көрмеге шақырамыз

Маңғыстау облыстық тарихи-өлкетану музейінде 11 шілде – 3 тамыз аралығында Қазақстан Республикасындағы Иран Ислам Республикасының Бас консулдығы және Маңғыстау облысының Мәдениет басқармасының ұйымдастыруымен Каспий жағалауы мемлекеттерінің екіжақты достық қарым-қатынасын нығайту мақсатында «ФИРДОУСИДІҢ «ШАХНАМАСЫ» - ӘЛЕМ ӘДЕБИЕТІНІҢ ЖАУҺАРЫ» атты көрме өтеді.