"Ақмышта туып, АҚШта озған" Əмин Тұяқовтың 80-жылдық мерейтойына арналған көрмеінің ашылу салтанаты өтті.
27 мамыр күні Маңғыстау облыстық музыкалық драма театрында Әмин Тұяқовтың 80 жылдық мерей тойына арналған "Ақмышта туып, АҚШта озған" атты көрменің ашылу салтанаты болып өтті.
Әмин Елемесұлы Тұяқов 1937 жылы 12 ақпанда қазіргі Маңғыстау облысындағы Маңғыстау ауданына қарасты Шайыр ауылында дүниеге келген. Атыраудағы (Гурьевтегі) екі жылдық мұғалімдер институтына түсіп, бір жылдан кейін ол педагогикалық институт болып, кейін құрылғанда соның физика – математика факультетіне түсіп, 1960 жылы үздік дипломмен бітіріп шығады. Ол сабақтарын өте жақсы оқумен қатар институттың және факультеттің қоғамдық жұмыстарын жауапкершілікпен орындап, оның ішінде, спорттың жеңіл атлетика түрінен елеулі табыстарға қол жеткізеді. Осы жетістіктерінің арқасында 1957 жылы Қазақстан құрама командасының мүшесі болып қабылданады.
1959 жылы Бүкілқазақстандық IX спартакиадада 100, 200, 400 метрге жүгіруден Қазақстанның үш дүркін чемпионы атанған. 1960 жылы Одессада өткен Бүкілодақтық «Буревестник» ерікті спорт қоғамының жеңімпазы атанады. Осы жетістігінің арқасында КСРО спорт шебері (100 м – 10,4 секунд) нормасын орындап қана қоймай, Кеңес Одағының құрама командасына мүше болып қабылданады.
Әмин Елемесұлы 1960 жылдан 1968 жылдың аяғына дейін КСРО құрама командасының сапында тек Кеңес Одағының ғана емес, қазақ халқының да даңқын аспандата түскен. Әмин Тұяқовқа 1963-1967 жылдар аралығында 200 метрге жүгіруден тең келер ешкім болмады. 1965 жылы Киевте өткен Кеңес Одағының чемпионатында осы қашықтықты бағындыруда жасаған соңғы КСРО рекордын (Ә.Тұяқов 6 рет рекорд жаңартқан) – 20,6 секундты тек 1968 жылы жеңіл атлет В.Борзов қана 0,1 секундқа жаңартқаны көп жайды аңғартуға тиіс.
Ә.Тұяқов 31 жасында үлкен спортпен қоштасқанға дейінгі аралықта 100 метр, 200 метр қашықтыққа жүгіруден және 100х4, 200х4 эстафетаға жүгіруден 8 рет КСРО чемпионы атанып, 10 мәрте күміс, қола жүлдеге ие болды. Соңғы рет 30 жасында, 1967 жылы КСРО халықтарының IV спартакиадасында 200 метрлік қашықтықта алтын, ал 100 метрге жүрігуден күміс медальдарды иеленді.
Еуропа кубогының жеңімпазы (1965 жыл), Еуропа біріншілігінің күміс жүлдегері (1966 жыл), 50-ге тарта ірі халықаралық жарыстардың жеңімпазы әрі жүлдегері болды.
1965 жылы оған КСРО спортына еңбегі сіңген шебер жоғарғы атағы берілді. Және сол жылы спорттың жеңіл атлетика саласында қазақ халқының даңқын әлемге аспандатқан желаяқ «Құрмет белгісі» орденімен марапатталды.
Оқылған саны: 18530
Жазғы демалыс лагерьлер легі музейде
Жазғы демалыс-2019
Жарияланған күні: 06-06-2019
Оқылған саны: 14820
"МУЗЕЙ ТҮНІ" мәдени-көпшілік шарасы өтті
Жыл сайын дәстүрлі түрде өтетін "Музей түні" шарасын облыстық музей биыл да ерекшелеп өткізуге тырысты.
Жарияланған күні: 20-05-2019
Оқылған саны: 11653
18 мамыр - Халықаралық музей күніне орай облыстық музейде музей-бөлмесі бар мектептердің оқушылары арасында "Үздік экскурсовод" сайысы өтті.
Жарияланған күні: 17-05-2019
Оқылған саны: 12521
Киіз үй - ұлттық құндылықтар қазынасы
Маңғыстау облыстық тарихи-өлкетану музейінің мәртебесін көтеріп, мерейін тасытып жүрген басты қызметтерінің бірі - көшпенділердің қасиетті баспанасы киіз үйді насихаттау, дәріптеу, өскелең ұрпақты осынау ұлы мұраның лайықты мұрагері болуға баулу. Ендеше, музейдің ұйымдастыруымен дәстүрге айналған киіз тігу сайысы биыл да жоғары деңгейде өтті.
Жарияланған күні: 25-04-2019
Оқылған саны: 19405
27 наурыз күні Танымал күйші,
«Қазақстанның еңбек сіңірген әртісі», «Құрмет» орденінің иегері Роза Айдарбаевамен «Ұлттық өнерді ұлықтаған Роза қыз» мәдени-танымдық кездесуі өтті.
Жарияланған күні: 28-03-2019
Оқылған саны: 20104
Музей шаңырағындағы тағы бір әдемі кездесу
Жарияланған күні: 27-03-2019
Оқылған саны: 21740
Каспий теңізінің флорасы мен фаунасына арналған зал
Табиғат залдары
Археология залы
«Жаңа кезең тарихы» (ХҮ-ХІХ ғғ. Маңғыстау тарихы)
ХХ ғасырдағы Маңғыстау тарихы залы
Мұнай өндірісі туралы зал
«Қазіргі Қазақстан» залы
Халық жазушысы Ә.Кекілбаевтың шығармашылығына арналған зал
жәдігер
жәдігер
жәдігер
адам
саяхат