"Бағзыдан жеткен баба сарыны" мәдени-танымдық шарасы

24 қаңтар күні облыстық музейде "Жалпы тарих" бөлімі мамандарының ұйымдастыруымен "Бағзыдан жеткен баба сарыны" атты мәдени-танымдық кеш өтті. Кездесу-көрме форматында өткен шараға Сержан Шәкрат, Роза Айдарбаева сындыөлкеге, республикаға танымал өнер майталмандары қатысты. Олар Музей қорында сақталған Сүгір жырау, Қайып Қорабайұлы сынды біртуар халық сазгерлерінен қалған домбыраларға жан бітіріп, жиналғандардың құлақ құрышын қандырды. Мейман болып келген Балапаш немересі Ерғали Әнесов сазсырнайда көркем туындылар орындап, көрермендерді таң етті. Өмірден өткен, Халық ықыласына бөленген жырау, күйші, сазгерлер туралы әдемі естеліктер айтылып, бейнероликтер көрсетілді. Осынау тәрбиелік-тағылымдық шара Елбасының "Рухани жаңғыру" бағдарламасы аясында өтті. 

Рахмет Өтесіновтың туғанына 90 жыл

16-17 қаңтар күндері Маңғыстау облыстық тарихи-өлкетану музейінің Жаңаөзен қалалық филиалында Қазақ КСР-інің еңбек сіңірген мұнайшысы, КСРО мұнай өнеркәсібінің құрметті мұнайшысы, Қазақстан Жазушылар одағының мүшесі – Рахмет Өтесіновтың туғанына 90 жыл толуына орай №1, №6, № 21 орта мектеп оқушыларына «Қазақ мұнайының ардақтысы» тақырыбында тақырыптық экскурсия өткізіліп, бейне слайд көрсетілді. 

О. Көшбайұлының "Мекке сапары" ойтолғам кітабы жарық көрді.

Маңғыстау облыстық тарихи-өлкетану музейінің қызметкері, белгілі өлкетанушы Отыншы Көшбайұлының «Мекке сапары» атты ойтолғам кітабы жарық көрді. 

«Жаңа заман кезеңі» және «Қазіргі Қазақстан» атты көрме залдарының ашылу салтанаты өтті.

ҚР тәуелсіздігінің 25 жылдығына орай облыстық мұражайда «Жаңа заман кезеңі»(XV-XIXғғ. Маңғыстау тарихы)  және «Қазіргі Қазақстан» атты көрме залдарының ашылу салтанаты өтті. 

«Маңғыстаудан түлеп ұшқан тас түлек»

14 желтоқсан күні Қазақстан Республикасы Тәуелсіздігінің 25 жылдығына орай, облыстық музейде Қазақтан шыққан тұңғыш бокс шебері Ш.Бөлтекұлының 100 жылдығына орай жасақталған «Маңғыстаудан түлеп ұшқан тас түлек» атты тұрақты көрменің ашылу салтанаты өтті.  

«Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті.

  12 желтоқсан күні Қазақстан Республикасы Тәуелсіздігінің 25 жылдығына орай, облыстық музейде «Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті. Мұндай шара облыс көлемінде алғаш рет өтіп отыр. Сайысқа Маңғыстау ауданынан Е. Айшуақұлы атындағы  орта мектеп оқушылары мен Мұнайлы ауданынан №10 жалпы білім беру орта мектебінің оқушылары қатысты.

«Шебердің қолы ортақ» көрме-жәрмеңкесі өтті.

9 желтоқсан күні облыстық музейде Қазақстан Республикасы Тәуелсіздігінің 25 жылдығына орай «Ұлы дала елі – Тәуелсіздіктің 25 негізі» атты іс-шаралар жоспары аясында «Шебердің қолы ортақ» атты жергілікті қолөнер шеберлерінің қатысуымен көрме жәрмеңкесі өтті.