"Шахнаманың" сарынымен сусындаңыз!

11 шілде күні музей шаңырағында Қазақстан Республикасындағы Иран Ислам Республикасының Бас консулдығы және Маңғыстау облысының Мәдениет басқармасының ұйымдастыруымен «ФИРДОУСИДІҢ «ШАХНАМАСЫ» - ӘЛЕМ ӘДЕБИЕТІНІҢ ЖАУҺАРЫ» атты көрменің ашылу салтанаты өтті. Шараға Иран Ислам Республикасының ҚР-дағы бас консулдығы басшысының міндетін атқарушы Мохаммад Хоссейнғоли Нури және Иран мәдени орталығының директоры Масуд Шейх Зейнеддин қатысып, алғыс, лебіздерін білдірді. Көрмені мәдениет саласының қызметкерлері, қала тұрғындары мен меймандары тамашалап үлгерді. 
Көрмеге әлемдік әдебиеттің жауһары - "Шахнаманың" сюжеттік көріністеріне салынған картиналар, "Шахнаманың" қазақ тіліне аудармасы, Иран жазушыларының орыс тіліне аударылған әдеби кітаптары, парсы елінің үздік қолөнер бұйымдары, керамикалық ерекше ыдыстары, ағаш пен сүйектен соғылған көркем кәдесыйлары қойылған. Көрме 3 тамызға дейін болатынын хабарлаймыз. 

Қазақстан Республикасының Ұлттық музейі ел Тәуелсіздігінің 25 жылдығына орай «Ұлттық музей — сенің қалаңда» атты мәдени турын бастады.

Қазақстан Республикасының Ұлттық музейі ел Тәуелсіздігінің 25 жылдығына орай «Ұлттық музей — сенің қалаңда» атты мәдени турын бастады. Мақсат — Қазақстанның басты жәдігері саналатын «Алтын адам» көрмесін ұйымдастырып, жұртшылыққа кеңінен насихаттау.  

"Алтын адам" көрмесі

29 - 31 шілде аралығында "Алтын адам" Маңғыстау облыстық тарихи - өлкетану мұражайында 

Маңғыстау облыстық тарихи-өлкетану музейінде Атырау облыстық Шаймардан Сариев атындағы көркемсурет және қолданбалы-сәндік өнер музейінің «Жайық толқыны» атты көрмесінің ашылуы өтті.

2016 жылдың 14-шілде күні Маңғыстау облыстық тарихи-өлкетану музейінде Атырау облыстық Шаймардан Сариев атындағы көркемсурет және қолданбалы-сәндік өнер музейінің «Жайық толқыны» атты көрмесінің ашылу салтанаты өтті. 

«Маңғыстаудың күміс күмбірі".

Астана күніне орай Ханшатыр ойын-сауық орталығы алаңында көшпенділер ауылы бой көтерді.  «Мыңжылдықтар тоғысындағы Астана» фестивалі аясында Маңғыстау облыстық тарихи – өлкетану мұражайының алтын қорынан зергерлік бұйымдар көрмесі ұйымдастырылды. 

"Жайық толқыны" көрмесіне шақырамыз!

Құрметті қала тұрғындары мен қонақтары! Маңғыстау облыстық тарихи - өлкетану мұражайы, Атырау облысының Ш. Сариев атындағы көркемсурет және қолданбалы сәндік өнер музейінің "Жайық толқыны" атты көрмесіне шақырады.

Бейнеу сапары: Бейнеу - Сарға – Ақжігіт – Сыңғырлау – Ақпанның үйігі – Белдеулі.

16-19 маусым аралығында «Автомузей» бағдарламасы аясында музей директоры Тамара Қалмырзақызы мен ғылыми қызметкер Отыншы Көшбайұлы бастаған музей мамандары Бейнеу – Сарға – Ақжігіт – Сыңғырлау – Ақпанның үйігі – Белдеулі бағыттары бойынша экспедицияға шығып келді.