Ежелгі алып бауырымен жорғалаушының сүйегі табылды

Үстіміздегі жылдың мамыр айында Роман Меңдіғалиев атты азамат өздері газ құбырларын тарту бойынша жұмыс жасап жатқан жерден табылған  белгісіз алып аңның омыртқа сүйектерін әкеліп музейге тапсырды. Музей қызметкерлері айтылған жерге барып омыртқа сүйектерін қазып әкеліп, тазалады. Табылған омыртқалар саны 36, ұзындығы 3,5 метр. Санкт-Петербург қаласындағы зоология институтымен хабарласып, омыртқа сүйектерінің фотолары жіберілді. Институт қызметкері Н.Зверьков келіп, бұл жануардың 80-100 млн жыл бұрын өмір сүрген плезиозавр (су астында тіршілік еткен бауырымен жорғалаушы) екендігін анықтады. Күзде ресейлік ғалымдар Маңғыстау жеріне келіп қазба жұмыстарын жүргізбекші.  

Рахмет Өтесіновтың туғанына 90 жыл

16-17 қаңтар күндері Маңғыстау облыстық тарихи-өлкетану музейінің Жаңаөзен қалалық филиалында Қазақ КСР-інің еңбек сіңірген мұнайшысы, КСРО мұнай өнеркәсібінің құрметті мұнайшысы, Қазақстан Жазушылар одағының мүшесі – Рахмет Өтесіновтың туғанына 90 жыл толуына орай №1, №6, № 21 орта мектеп оқушыларына «Қазақ мұнайының ардақтысы» тақырыбында тақырыптық экскурсия өткізіліп, бейне слайд көрсетілді. 

О. Көшбайұлының "Мекке сапары" ойтолғам кітабы жарық көрді.

Маңғыстау облыстық тарихи-өлкетану музейінің қызметкері, белгілі өлкетанушы Отыншы Көшбайұлының «Мекке сапары» атты ойтолғам кітабы жарық көрді. 

«Жаңа заман кезеңі» және «Қазіргі Қазақстан» атты көрме залдарының ашылу салтанаты өтті.

ҚР тәуелсіздігінің 25 жылдығына орай облыстық мұражайда «Жаңа заман кезеңі»(XV-XIXғғ. Маңғыстау тарихы)  және «Қазіргі Қазақстан» атты көрме залдарының ашылу салтанаты өтті. 

«Маңғыстаудан түлеп ұшқан тас түлек»

14 желтоқсан күні Қазақстан Республикасы Тәуелсіздігінің 25 жылдығына орай, облыстық музейде Қазақтан шыққан тұңғыш бокс шебері Ш.Бөлтекұлының 100 жылдығына орай жасақталған «Маңғыстаудан түлеп ұшқан тас түлек» атты тұрақты көрменің ашылу салтанаты өтті.  

«Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті.

  12 желтоқсан күні Қазақстан Республикасы Тәуелсіздігінің 25 жылдығына орай, облыстық музейде «Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті. Мұндай шара облыс көлемінде алғаш рет өтіп отыр. Сайысқа Маңғыстау ауданынан Е. Айшуақұлы атындағы  орта мектеп оқушылары мен Мұнайлы ауданынан №10 жалпы білім беру орта мектебінің оқушылары қатысты.

«Шебердің қолы ортақ» көрме-жәрмеңкесі өтті.

9 желтоқсан күні облыстық музейде Қазақстан Республикасы Тәуелсіздігінің 25 жылдығына орай «Ұлы дала елі – Тәуелсіздіктің 25 негізі» атты іс-шаралар жоспары аясында «Шебердің қолы ортақ» атты жергілікті қолөнер шеберлерінің қатысуымен көрме жәрмеңкесі өтті.