Қазақстан Республикасы Ұлттық музейінде Маңғыстау облысы музейлерінің «Мұралы Маңғыстау» атты көрмесінің ашылу салтанаты өтті.

Қазақстан Республикасы Ұлттық музейінде Маңғыстау облысы музейлерінің «Мұралы Маңғыстау» атты көрмесінің ашылу салтанаты өтті.

Көрме Ұлттық музейдің «Ғасырлар қойнауынан сыр шерткен Қазақстан» жобасы аясында ұйымдастырылды.

Көрме негізінен Маңғыстау облысы тарихи-өлкетану музейінің және облыс музейлерінің ерекше жәдігерлерінен жасақталды.

Көрменің ашылу салтанатына белгілі Маңғыстаулықтар: З. Алшынбаев, Г. Сейтмағанбетова, К. Жұмабаева,  және т.б. қатысты.

Көрмеге 446 зат көрмеленді. «Мұралы Маңғыстау» атты көрмеде Маңғыстаудың археологиясы, түбектің қазба байлықтары, палеонтологиялық жиынтықтар, орта ғасырлар тарихы және ерте дәуір экспонаттары қойылған.  Сонымен қатар Ұлттық дәстүрлі қолөнер, Маңғыстаудың рухани мұралары мен мұнай игеру барысын баяндайтын жәдігерлер бар. Көрмеде осы өлкеден шыққан  Абыл ақын, Нұрым жырау, Қашаған, Аралбай, Ақтан, Өскенбай, Жылкелді, Досат, Әділ, Шолтаман, Тастемір, Тұрсын, Мұрын жырау тағы да басқа көптеген ұлы тұлғаларға қатысты экспонаттар бар. Қазақстанның Халық жазушысы Әбіш Кекілбаевқа арналған «Ұлы дала Абызы» атты жеке көрме де қойылды.   

Балауыз мүсіндер көрмесі шақырады!

2017 жылдың 18 қараша - 18 желтоқсан күндері аралығында облыстық музейде Санкт-Петербург қаласынан келген балауыз мүсіндердің көрмесі өтетінін хабарлаймыз.

"Екі елдің төл перзенті"

25 қыркүйек күні Геология-минерология ғылымдарының докторы, профессор Құрбан Аманниязұлының 85 жылдығына орай музей қабырғасында ғалымның көзін көрген достарымен "Екі елдің төл перзенті" тақырыбындағы кездесу өтті. Кездесуге ғалымның шәкірті, геолог Қожахметов Қосарбай, жазушы, өлкетанушылар Әбілқайыр Спан, Отыншы Көшбайұлы, оқушылар мен студенттер қатысты.

"Тарихы терең Атырау"

Атырау музейінің көрмесіне келіңіздер

Атырау музейі Маңғыстауда қонақта

Атырау музейінің көрмесі келушілерді күтеді

Хабарландыру. Құрбан Аманниязовтың 85 жылдығы

Еске алу, кездесу

Қала күні және Р.А. Григорянның 100 жылдығы

Ақ маржан қала Ақтаудың төл мерекесі және қаланың негізін қалаушылардың бірі Рубен Арамаисович Григорянның 100 жылдығына орай музей қабырғасында мерекелік шара өтті.