Маңғыстаудан алып ихтиозавр сүйегі табылды!

2019 ж. маусым айының басында әуесқой палеонтолог Владимир Яськов Сулықапы мекенінен ежелгі тіршілік иесінің омыртқа бөлшегі табылғанын хабарлаған болатын. Маусым айында Маңғыстау облыстық музей қызметкерлері, М. Өтемісов атындағы Батыс Қазақстан университетінің мамандары Ресейден келген палеонтолог, ихтиозаврлар жөніндегі маман В.М. Ефимовтың қатысуымен құмды алқаптағы сүйек қалдықтарын қазып алу жұмыстарын жүргізді. Табылған қалдықтар Орал қаласына, музеймен келісім-шарт бойынша 3 ай мерзім ішінде препараттауға жіберілді. Оралда палеонтолог Жәмила Жақыпова сүйектерді арнайы қоспалармен өңдеп, табылған бөлшектердің әрбірінің гипстелген көшірмесін жасап шықты. Осылайша ежелгі тіршілік иесінің екі көшірмесі жасалды, бірі – музейге, бірі – университет үшін. 

Ихтиозавр шамамен 100-113 млн жыл бұрын, альб ярусында төменгі бор кезеңінде өмір сүрген. Табылған сүйектің жалпы ұзындығы тіршілігі барысында 9 метрді құраған. Осылайша, бұл жануар мұның алдында дәл сол Маңғыстау ауданынынан табылған эласмозаврдың замандасы деуге де болады. Әзірге табылған сүйекті препараттау жұмыстары ғана жүргізілді. Алдағы уақытта оны ғылыми жағынан зерттеп, түр, туыс ерекшеліктерін, аналогтарын зерттеу жұмыстары күтіп тұр. 

Музей сүйектерді тапқан В. Яськовқа, қазба жұмыстарына қатысқан С. Мамонтовқа және жұмыстың барлық кезеңдеріне белсенді қатысқаны үшін Батыс Қазақстан университетіне зор алғыс айтып, алдағы уақытта бірлесе жемісті жұмыс істеуге сенім білдіреді.  #ихтиозавр #палеонтология #маңғыстау #музей 

МУЗЕЙ ТҮНІНЕ асығыңыз!

Жылдағы дәстүр бойынша, 18 мамыр - Халықаралық музейлер күніне орай, облыстық музейде "Музей түні" мерекелік шарасы өтеді.

Маңғыстау музейінің көрмесі Түркменстан Республикасында

Облыстық музей көрмесін апарған музей мамандары Түркменстан Республикасының Түркменбашы қаласында іссапарда болып қайтты

«Киіз үй – ұлттық құндылықтар қазынасы» атты ерекше мерекелік шарасы

Елбасы Н.Ә.Назарбаевтың «Болашаққа бағдар: Рухани жаңғыру» атты мақаласы аясында ұлттық мұраны ұрпаққа дәріптеу мақсатында «Киіз үй – ұлттық құндылықтар қазынасы» атты киіз үй тігуден ұлттық сайыс өткізілді.

"Ұлттық дастарханның ерекше мәзірі" мерекелік шарасы

Қазақ халқының жүріс-тұрысы, киім киісі, дәстүр-салты тұнып тұрған тәрбие. Дастарханы да тәрбиелік маңыздан кенде емес. Дастархандағы дәмді астың рухани сусындатуда қандай роль атқарғанын біле отырыңыз.

Қолөнершілер сайысына қатысуға шақырамыз!

"Рухани жаңғыру" бағдарламасы аясында барша маңғыстаулық шеберлерді қолөнер сайысына қатысуға шақырамыз.

"Өрнек" сән үйінің директоры Нұрияш Нұрбергенқызымен мәдени-тағылымдық кездесу кеші

Облыстық музейде ұлттық киімді дәріптейтін тағы бір әдемі шара өтті