Маңғыстаудан алып ихтиозавр сүйегі табылды!

2019 ж. маусым айының басында әуесқой палеонтолог Владимир Яськов Сулықапы мекенінен ежелгі тіршілік иесінің омыртқа бөлшегі табылғанын хабарлаған болатын. Маусым айында Маңғыстау облыстық музей қызметкерлері, М. Өтемісов атындағы Батыс Қазақстан университетінің мамандары Ресейден келген палеонтолог, ихтиозаврлар жөніндегі маман В.М. Ефимовтың қатысуымен құмды алқаптағы сүйек қалдықтарын қазып алу жұмыстарын жүргізді. Табылған қалдықтар Орал қаласына, музеймен келісім-шарт бойынша 3 ай мерзім ішінде препараттауға жіберілді. Оралда палеонтолог Жәмила Жақыпова сүйектерді арнайы қоспалармен өңдеп, табылған бөлшектердің әрбірінің гипстелген көшірмесін жасап шықты. Осылайша ежелгі тіршілік иесінің екі көшірмесі жасалды, бірі – музейге, бірі – университет үшін. 

Ихтиозавр шамамен 100-113 млн жыл бұрын, альб ярусында төменгі бор кезеңінде өмір сүрген. Табылған сүйектің жалпы ұзындығы тіршілігі барысында 9 метрді құраған. Осылайша, бұл жануар мұның алдында дәл сол Маңғыстау ауданынынан табылған эласмозаврдың замандасы деуге де болады. Әзірге табылған сүйекті препараттау жұмыстары ғана жүргізілді. Алдағы уақытта оны ғылыми жағынан зерттеп, түр, туыс ерекшеліктерін, аналогтарын зерттеу жұмыстары күтіп тұр. 

Музей сүйектерді тапқан В. Яськовқа, қазба жұмыстарына қатысқан С. Мамонтовқа және жұмыстың барлық кезеңдеріне белсенді қатысқаны үшін Батыс Қазақстан университетіне зор алғыс айтып, алдағы уақытта бірлесе жемісті жұмыс істеуге сенім білдіреді.  #ихтиозавр #палеонтология #маңғыстау #музей 

"Ұрпаққа мирас - ұлттық киім"

"Рухани жаңғыру" бағдарламасы аясындағы музейде өтетін тағы бір игі шараға асығыңыздар!

"Бағзыдан жеткен баба сарыны" мәдени-танымдық шарасы

Музейде тәрбиелік-тағылымдық, мәдени-танымдық әдемі кездесу өтті. 

Депутатқа алғыс айтамыз!

12 қаңтар күні музейде Ақтау қалалық мәслихатының депутатымен кездесу өтті

Мәдени-танымдық кешке шақырамыз!

24 қаңтар күні сағат 10.00-де облыстық музейде "Бағзыдан жеткен баба сарыны" атты музей қорындағы ұлттық музыкалық аспаптарды халыққа насихаттау мақсатындағы мәдени-танымдық кеш өтеді. Тамашалауға ниет білдірген әріптестерімізді, қала тұрғындары мен қонақтарын шақырамыз! 
Кеш қонақтары - өлкемізге белгілі өнер тарландары мен мәдениет жанашырлары: Сержан Шәкрат, Роза Айдарбаева, Әбілқайыр Спан, Хадиша Балапашева және т.б. 

Р.А. Григорянның 100 жылдығына орай Құрмет тақтасы орнатылды

Белгілі мемлекет және қоғам қайраткері, Ақтау қаласының негізін қалаушылардың бірі Р.А. Григорянның 100 жылдығына арналған шаралар жалғасуда.

Ежелгі плезиозавр сүйегін көретін сәт келді!

Палеонтологиялық көрме