Түрікменстандағы Қазақстанның мәдениет күндері

29-30 қараша күндері Қазақстанның Түрікменстандағы Мәдениет күндері аясында Ашхабад қаласындағы Көркем өнер музейінде Маңғыстау облыстық тарихи-өлкетану музейінің "Ұлы Дала мұрасы атты" көрмесі өтті. Көрмеге дәстүрлі сәндік-қолданбалы өнер туындылары, ХІХ ғасырдағы зергерлік өнердің бірегей жәдігерлері, ұлттық киім үлгілері, Қазақстанның тұмса табиғатының, Маңғыстаудың таңғажайып көріністерінің фотокартиналары қойылды.

Көрмені мәртебелі меймандар - Түрікменстандағы ҚР консулы Жандос Асанов және Түрікменстандағы түрлі елдердің елшіліктері мен консулдық өкілдері, Мәдениет қайраткерлері, Өнер академиясының ұстаздары мен студенттері, музей мамандары тамашалап, жоғары бағасын берді. Түрікменстандағы қандас бауырларымыз екі күн бойы ағылып келіп, көрмемізді, өлкеміздің өнер шеберлері қойған концертті тамашалап, атамекенге деген сағынышын, ыстық ықыласын жеткізіп, ынтымақты арттыра түсетін осындай шаралар үшін екі ел басшыларына алғыстарын жаудырып жатты.

Осы көрменің жоғары деңгейде өтуіне қол ұшын берген Маңғыстау облысының Мәдениет басқармасына, ашылу салтанатында өнер көрсеткен "Ақжарма" фольклорлық ансамбліне және "Жорға" би ұжымына алғыс білдіреміз.

Түрікменстан Бейнелеу өнері музейіндегі әріптестеріміздің (директоры Түркменстанның еңбек сіңірген мәдениет қайраткері Сапармаммет Мередов) аталған көрмені жасақтауда жан-жақты көмек көрсетіп, барлық оңтайлы жағдайларды жасағанын ерекше атап, зор алғыс білдіргіміз келеді. 

Елбасының «Болашаққа бағдар: рухани жаңғыру» және «Ұлы Даланың жеті қыры» атты мақалалары еліміздің мәдени-рухани потенциалын арттыру жолында қызмет етіп жүрген барша азаматтарға қаншалықты мәртебелі міндеттер жүктей түскенін ескерсек, Маңғыстаудан барған делегация құрамындағы облыстық музей ұжымының бұл сапары сол үдеден шыға білген сәтті қадамдардың бірі болып қалмақ.

Маңғыстау облыстық тарихи - өлкетану музейінің Маңғыстау аудандық филиалында «Ұлыстың ұлы күні-наурыз» тақырыбында мерекелік шара өтті.

Наурыз мерекесіне орай Маңғыстау облыстық тарихи - өлкетану музейінің Маңғыстау аудандық филиалында «Ұлыстың ұлы күні-наурыз» тақырыбында мерекелік шара өтті. Шараға Н.Жұбаев атындағы мектептің 4 «б» сынып оқушылары қатысты.  

«Амалдан ақ тілек»

15-17 наурыз аралығында Маңғыстау облыстық тарихи-өлкетану мұражайында қазақ және орыс тілдерінде «Амалдан ақ тілек» атты мерекелік шара өтті. Шараға Ақтау қаласының мектеп оқушылары қатысты. 

Хабарландыру!!!

Маңғыстау облыстық тарихи - өлкетану музейіне әр айдың үшінші жексенбісі барлық музейге келушілер үшін тегін және әр  айдың бірінші сәрсенбісі музейге кіру мектеп оқушылары үшін тегін.

Президенттік телерадио корпорациясы «Маңғыстауда наурыз мерекесінің тойлануы» тақырыбында киіз үйде түсірілім жасалды.

Президенттік  телерадио корпорациясы «Маңғыстауда наурыз мерекесінің тойлануы»  тақырыбында киіз үйде түсірілім жасалды. 

"Дәстүр" журналының бас-редакторы Қасымхан Бегмановпен кездесу.

13 наурыз күні музей шаңырағының астында Қазақстан Жастар одағы, халықаралық Алаш әдеби және тәуелсіз «Ильхам» сыйлықтарының лауреаты, «Құрмет» орденінің иегері, белгілі ақын, "Дәстүр" журналының бас-редакторы  Қасымхан Бегманов музей қызметкерлерімен кездесті, 

Маңғыстау облыстық тарихи-өлкетану музейінің Жаңаөзен қалалық филиалында 8-наурыз – Халықаралық әйелдер мерекесіне орай «Әлемнің нұры – әйелдер» атты кеш ұйымдастырды.

Наурыз айының 6-сы күні Маңғыстау облыстық тарихи-өлкетану музейінің Жаңаөзен қалалық филиалында 8-наурыз – Халықаралық әйелдер мерекесіне орай «Әлемнің нұры – әйелдер»  атты қаладағы құрметті аналармен кездесу кешін ұйымдастырды.