Сүйінші! Музейдің жаңа ғимараты ашылды!

        10 қазан күні заңғар жазушы, көсемсөз зергері Әбіш Кекілбайұлының 80 жылдығына орай Маңғыстау облыстық тарихи-өлкетану музейінің Ақтау қаласында 19 А шағын ауданда жаңа ғимараты ашылды. Ашылу салтанатына ел президенті Қасым-Жомарт Кемелұлы Тоқаев арнайы келіп, қатысты. 

        Еңселі ғимараттың ең алғашқы залы абыз адам, аңыз тұлға Әбіш Кекілбайұлының өмірі мен шығармашылығына арналды. Болашақта Маңғыстаудың табиғаты мен тарихына, этнографиясына арналған экспозициялық залдар жасақталып, ашылатын болады. Музей ғимаратының жалпы көлемі 6561 шаршы метр. Жобалаушысы Қалижан Міркәрімов. Құрамында музеймен қатар театр, кітапхана орналасатын Мәдени орталық NCOC компаниясының әлеуметтік және инфрақұрылымдық жобалары шеңберінде салынды. Заңғар жазушының 80 жылдығы аясында өтіп жатқан шаралар аясында музей алдында Әбіш ағаның ескерткіші де бой көтерді.

         Ескерткіштің және музейдің жаңа ғимаратының ашылу салтанатына ҚР Президентімен қатар ұлт зиялылары, мемлекет және қоғам қайраткерлері қатысып, бата-тілектерін, ыстық лебіздерін білдірді. 

         Жаңа ғимаратымыздың ашылу салтанатына жан-жақты қолдау білдірген Маңғыстау облысының әкімдігіне, облыстық Мәдениет басқармасына, демеушілерге, қол ұшын созған барша азаматтарға, Әбіш ағаның сирек фотосуреттерін ұсынған оның замандастарына алғыс айтамыз! Экспозициялық залды жасақтауға өлшеусіз үлес қосып, Әбіш ағаның қолының табы қалған жиһаздарын, отбасылық дүниелерін сыйға тартқан Клара Жұмабайқызына ерекше ризашылық білдіреміз! 

8 наурыз Халықаралық әйелдер күні мерекесіне орай «Ана – өмірдің шырағы» деп аталатын мерекелік шара өтті.

4 наурыз күні Маңғыстау облыстық тарихи – өлкетану музейінде "8 наурыз Халықаралық әйелдер күні" мерекесіне орай «Ана – өмірдің шырағы» деп аталатын мерекелік шара өтті. 

Маңғыстау облыстық тарихи - өлкетану музейінің Маңғыстау аудандық филиалында «Құрақ құрау-өнердің сарқылмас көзі» тақырыбында шеберлік класс өткізілді.

Маңғыстау облыстық тарихи - өлкетану музейінің Маңғыстау Аудандық филиалында наурыз айының 3 -де «Құрақ құрау-өнердің сарқылмас көзі» тақырыбында шеберлік класс өткізілді.  

Облыстық мәдениет саласының қызметкерлері арасында салауатты өмір салтын дәріптеу мақсатында 3-4 наурыз күндері ерлер арасында шағын футболдан және әйелдер арасында волейболдан жарыстар өтті.

Облыстық мәдениет саласының қызметкерлері арасында салауатты өмір салтын дәріптеу мақсатында 3-4 наурыз күндері ерлер арасында шағын футболдан және әйелдер арасында волейболдан жолдастық кездесулер өтті.

Нәтижесінде волейболдан командалар төмендегідей орындарға ие болды. 

Хабарландыру!!!

2-3 наурыз  тазалық күндеріне  байланысты Маңғыстау облыстық тарихи - өлкетану музейінің жұмыс кестесі.  

«Здравствуй Масленица!»

Маңғыстау облыстық тарихи-өлкетану музейінде 21-23 ақпан аралығында «Русское Землячество» этно-мәдени орталығының қолдауымен «Здравствуй Масленица!» атты мектеп оқушыларына арналған ертеңгіліктер өтті.  

Музей қызметкерлері Қарақия-Қаракөл қорықшасында болып, маусымдық ұшу кезінде құстарды бақылады

21 ақпан күні Маңғыстау облыстық тарихи-өлкетану музейінің  табиғат бөлімінің қызметкерлері А. Қуанышева мен Ж. Байдулаева Қарақия - Қаракөл қорықшасында болып, маусымдық ұшу кезінде құстарды бақылады.