Сүйінші! Музейдің жаңа ғимараты ашылды!

        10 қазан күні заңғар жазушы, көсемсөз зергері Әбіш Кекілбайұлының 80 жылдығына орай Маңғыстау облыстық тарихи-өлкетану музейінің Ақтау қаласында 19 А шағын ауданда жаңа ғимараты ашылды. Ашылу салтанатына ел президенті Қасым-Жомарт Кемелұлы Тоқаев арнайы келіп, қатысты. 

        Еңселі ғимараттың ең алғашқы залы абыз адам, аңыз тұлға Әбіш Кекілбайұлының өмірі мен шығармашылығына арналды. Болашақта Маңғыстаудың табиғаты мен тарихына, этнографиясына арналған экспозициялық залдар жасақталып, ашылатын болады. Музей ғимаратының жалпы көлемі 6561 шаршы метр. Жобалаушысы Қалижан Міркәрімов. Құрамында музеймен қатар театр, кітапхана орналасатын Мәдени орталық NCOC компаниясының әлеуметтік және инфрақұрылымдық жобалары шеңберінде салынды. Заңғар жазушының 80 жылдығы аясында өтіп жатқан шаралар аясында музей алдында Әбіш ағаның ескерткіші де бой көтерді.

         Ескерткіштің және музейдің жаңа ғимаратының ашылу салтанатына ҚР Президентімен қатар ұлт зиялылары, мемлекет және қоғам қайраткерлері қатысып, бата-тілектерін, ыстық лебіздерін білдірді. 

         Жаңа ғимаратымыздың ашылу салтанатына жан-жақты қолдау білдірген Маңғыстау облысының әкімдігіне, облыстық Мәдениет басқармасына, демеушілерге, қол ұшын созған барша азаматтарға, Әбіш ағаның сирек фотосуреттерін ұсынған оның замандастарына алғыс айтамыз! Экспозициялық залды жасақтауға өлшеусіз үлес қосып, Әбіш ағаның қолының табы қалған жиһаздарын, отбасылық дүниелерін сыйға тартқан Клара Жұмабайқызына ерекше ризашылық білдіреміз! 

Ауған соғысы ардагерлерімен кездесу

Маңғыстау облыстық тарихи-өлкетану музейінің Жаңаөзен қалалық филиалында 15 ақпан Кеңес әскерінің Ауғанстан жерінен шығарылғанына  - 28 жыл толуына орай Ауған соғыс ардагерлерімен кездесу кеші  ұйымдастырылды. 

Ауғанның от-жалынын кешкендер

Маңғыстау облыстық тарихи – өлкетану музейінің Маңғыстау аудандық музейде 15 ақпан Ауғаныстан жерінен Кеңес әскерінің шығарылғанына 28 жыл толуына орай, «Ауғанның от-жалынын кешкендер» тақырыбында шара өткізілді. 

Ауғаныстан жерінен Кеңес әскерінің шығарылғанына 28 жыл

Маңғыстау облыстық тарихи-өлкетану музейінде 15 ақпан Ауғаныстан жерінен Кеңес әскерінің шығарылғанына 28 жыл толуына орай, «Жарияланбаған соғыс» атты тұрақты көрме жасақталды. Көрмеге Ауған соғысының ардагерлері мен №25744 әскери бөлімінің сарбаздары шақырылды.  

Мәңгілік ел болу – Ұлт мұраты

Маңғыстау облыстық тарихи-өлкетану музейінде облыстық мәдениет басқармасының ұйымдастыруымен мәдениет басқармасына қарасты мекеме қызметкерлері, қала мектептерінің тарих пәнінің ұзтаздары және Ш. Есенов атындағы КМТжИУ-нің тарихшы ұстаздары, тарих факультетінің 1 курс студенттерінің қатысуымен «Мәңгілік ел болу – Ұлт мұраты» атты дөңгелек үстел ұйымдастырылды.  

Музей ұжымы ҚР Президенті Н. Назарбаевтың "Қазақстанның үшінші жаңғыруы: жаһандық бәсекеге қабілеттілік" атты Қазақстан халқына Жолдауын талқылады.

Маңғыстау облыстық тарихи-өлкетану музейінің ұжымы, облыстық мәдениет басқармасынның заңгері Р. Алиевтің қатысуымен Қазақстан  Республикасы Президенті Нұрсұлтан Назарбаевтың "Қазақстанның үшінші жаңғыруы: жаһандық бәсекеге қабілеттілік" атты Қазақстан халқына Жолдауын талқылады.  

«Аңшылық – ата кәсіп»

Маңғыстау облыстық тарихи-өлкетану музейінің Маңғыстау аудандық филиалында қаңтар айының 26-да «Аңшылық – ата кәсіп» атты шара өтті.